ویسٹ انڈیز کیخلاف سیریز میں پاکستان کا کوچ کون ہوگا؟؟مشاورت شروع

(ویب ڈیسک)ویسٹ انڈیز کے خلاف ہوم سیریز میں پاکستانی ٹیم کا عارضی کوچنگ سیٹ اپ ہو گا، بیٹنگ کوچ کی ذمہ داری محمد یوسف اور بولنگ کوچ کے لیے عمر گل کے ناموں پر غور شروع کر دیا گیا ۔ 

یہ بھی پڑھیں:شاہین شاہ آفریدی نے ٹیسٹ کرکٹ میں تاریخ رقم کردی

ذرائع کے مطابق مصباح الحق اور وقار یونس کے جانے کے بعد سے پاکستان ٹیم کےلئے عارضی کوچنگ سیٹ کام کر رہا ہے، ثقلین مشتاق عبوری ہیڈ کوچ ہیں۔ٹی ٹوئنٹی ورلڈ کپ میں بیٹنگ کنسلٹنٹ میتھیو ہیڈن اور بولنگ کنسلٹنٹ ورنن فلینڈر تھے، فلینڈر بھی بنگلا دیش کے خلاف پہلے ٹیسٹ کے بعد ٹیم سے الگ ہو جائیں گے۔ذرائع کے مطابق ویسٹ انڈیز کے خلاف ہوم سیریز میں بھی پاکستان ٹیم کا کوچنگ سیٹ اپ عارضی ہو گا، پی سی بی نے مشاورت شروع کر دی ہے۔ محمد یوسف کو عارضی ذمہ داریاں دینے پر غور کیا جا رہا ہے اور سابق فاسٹ بولر عمر گل کو وقتی طور پر قومی ٹیم کے ساتھ بولنگ کوچ کی ذمہ داریاں دی جا سکتی ہیں۔واضح رہے کہ ویسٹ انڈیز کی ٹیم وائٹ بال سیریز کھیلنے 9 دسمبر کو کراچی پہنچے گی ،جہاں 3 ٹی ٹوئنٹی اور 3 ون ڈے میچز کی سیریز ہو گی۔

یہ بھی پڑھیں:مداحوں کیلئے بڑی خبر ۔۔ شاہد آفریدی نے حکومت کی پیشکش قبول کرلی