(24 نیوز) انگلش کرکٹ ٹیم پاکستانی سرزمین پر 17 سال بعد ٹیسٹ سیریز کھیلنے کیلئے اسلام آباد پہنچ چکی ہے، ایک روز آرام کے بعد مہمان ٹیم آج سے اپنی کرکٹ سرگرمیوں کا آغاز بھی کرچکی ہے جبکہ پاکستان کرکٹ ٹیم بھی پنڈی کرکٹ اسٹیڈیم میں ٹریننگ کر رہی ہے۔
دونوں ٹیموں کو سخت سیکیورٹی کے احصار میں نجی ہوٹل سے پنڈی کرکٹ اسٹیڈیم لایا گیا جہاں دونوں ٹیمیں پریکٹس سیشن کررہی ہیں۔
یہ بھی پڑھیے: مریم اورنگزیب کا انگلش ٹیم کیلئے خصوصی پیغام
پاکستان اور انگلینڈ کے درمیان پہلا ٹیسٹ یکم دسمبر کو پنڈی کرکٹ اسٹیڈیم میں کھیلا جانا ہے۔
انگلش کرکٹ ٹیم ہفتہ اور اتوار کی درمیانی شب متحدہ عرب امارات سے اسلام آباد پہنچی جہاں پی سی بی حکام نے ٹیم کا استقبال کیا۔