نگران وزیراعظم کا شیخ زاید گریںڈ مسجد کا دورہ، شیخ زاید بن سلطان النہیان کی قبر پر فاتحہ خوانی کی

(اویس کیانی) نگران وزیراعظم انوار الحق کاکڑ نے آج ابوظہبی میں شیخ زاید گرینڈ مسجد کا دورہ کیا۔

وزیراعظم نے مرحوم شیخ زاید بن سلطان النہیان کی قبر پر فاتحہ خوانی کی اور انکو خراج عقیدت پیش کیا۔ مرحوم شیخ زاید کی وژنری قیادت نے دنیا کی مختلف اقوام کے درمیان رواداری اور پُرامن بقائے باہمی کے کلچر کو تقویت بخشی۔

نگران وزیراعظم نے کہا کہ مرحوم شیخ زاید کے پاکستان کی قیادت اور عوام کے ساتھ انتہائی قریبی تعلقات تھے۔

Caretaker Prime Minister Anwaar ul Haq Kakar visited Sheikh Zayed Grand Mosque in Abu Dhabi today.

The Prime Minister commenced his visit by offering fateha at the mausoleum of the late Sheikh Zayed bin Sultan Al Nahyan and recalled visionary leadership of the Founding Father… pic.twitter.com/45AEuRkgkU

— Prime Minister's Office (@PakPMO) November 28, 2023

وزیراعظم کو بتایا گیا کہ شیخ زاید مسجد کا عظیم پیغام بقائے باہمی، رواداری اور دیگر ثقافتوں کیلئے کشادہ دلی کے تصورات کو اجاگر کرتا ہے، یہ پیغام  متحدہ عرب امارات کے بانی کی شاندار میراث سے متاثر ہے۔ وزیر اعظم کو اسلامی ثقافت کے حقیقی جوہر کو اجاگر کرنے میں مسجد کے اہم کردار کے بارے بتایا گیا۔ 

شیخ زید گرینڈ مسجد جدید اسلامی فن تعمیر کا ایک شاہکار نمونہ ہے جس میں 40000 سے زائد نمازیوں کے بیٹھنے کی گنجائش ہے۔ شیخ زید مسجد متحدہ عرب امارات کی سب سے بڑی اور دنیا کی تیسری بڑی مسجد ہے۔

مسجد کے دورے کے دوران نگران وزیراعلیٰ پنجاب سید محسن نقوی اور متحدہ عرب امارات میں پاکستان کے سفیر فیصل نیاز ترمزی بھی وزیراعظم کے ہمراہ تھے۔