"ہیرا منڈی2" کی شوٹنگ 2025میں شروع ہوگی؟ منیشا کوئرالہ کاانکشاف

(ویب ڈیسک)سنجے لیلا بھنسالی کی رواں سال ریلیزہونےوالی سیریز”ہیرا منڈی“کو مداحوں نے پسند کیا تھااوروہ”ہیرامنڈی2“ کا انتظار کررہے ہیں۔

 "ہیرامنڈی"میں اہم کردار ادا کرنے والی بالی ووڈ کی اداکارہ منیشا کوئرالا نےسیریز کے حوالے سے تازہ خبردی ہے کہ سیریز کے اگلے حصے کی شوٹنگ کب سے شروع ہو سکتی ہے،منیشا کوئرالہ نے "ہیرامنڈی" میں ملکا جان کا کردار ادا کیا تھا۔

 بھارتی میڈیا کے مطابق منیشاکوئرالہ نے ایک انٹرویومیں بتایاہے کہ "ہیرا منڈی2" کی شوٹنگ اگلے سال2025 میں شروع ہوگی۔

رپورٹس کے مطابق جب ان سے پوچھا گیا کہ کیا انہیں "ہیرامنڈی" کے بعد کسی نئے پروجیکٹ میں کام کرنے کے مواقع ملے ہیں،اس پر منیشا کا کہنا تھا کہ ابھی کچھ پروجیکٹس زیرغور ہیں تاہم وہ پروجیکٹ کو حتمی شکل دینے کے بعد ہی اس پر مزید بات کریں گی۔

یہ بھی پڑھیں:نرگس نے ساتھی فنکارہ کے خلاف ایف آئی اے سے رجوع کرلیا

"ہیرامنڈی" کا پہلا سیزن رواں سال مئی میں ریلیز ہوا تھاجس کی کاسٹ میں سوناکشی سنہا، منیشا کوئرالہ، ریچا چڈھا، ادیتی راؤ حیدری،سنجیدہ شیخ،شرمین سہگل، فردین خان، طحٰہ شاہ بدوشہ،ادھیان سمن، شیکھر سمن اور جیسن شاہ جیسے کئی اہم نام شامل تھے،سیریز کو بھارت کے علاوہ پاکستان میں بھی شوق سے دیکھا گیا تھا۔