خیبرپختونخوا میں زلزلے کے شدید جھٹکے

(ویب ڈیسک) خیبرپختونخوا کے مختلف علاقوں میں 5.2 شدت کے زلزلے کے جھٹکے محسوس کیے گئے۔

زلزلہ پیما مرکز کے مطابق زیر زمین زلزلے کی گہرائی 212 کلو میٹر ریکارڈ کی گئی جبکہ زلزلے کا مرکز افغانستان اور تاجکستان کا سرحدی علاقہ ہے۔

پشاور اور اس کے گرد و نواح, چترال، مانسہرہ، بٹگرام، تورغر اور گردونواح میں  بھی  زلزلےکے جھٹکے محسوس کیے گئے۔

زلزلے سے لوگوں میں خوف و ہراس پھیل گیا، لوگ کلمہ طیبہ کا ورد کرتے ہوئے گھروں سے باہر نکل آئے۔

ذرائع کے مطابق زلزلے کا مرکز پاک افغانستان تاجکستان کا سرحدی علاقہ تھا، زلزلے سے تاحال کسی جانی و مالی نقصان کی اطلاعات موصول نہیں ہوئی ہیں۔

یہ بھی پڑھیں : قیمت میں بڑی کمی،سونا سستا ہوگیا