(مانیٹرنگ ڈیسک) برطانیہ کے سابق بیٹسمین ڈیوڈ گاور نے بھی قومی کرکٹ ٹیم کے سابق فاسٹ بالرشعیب اختر کی حمایت کر دی،انہوں نے سرکاری ٹی وی کے اینکرڈاکٹر نعمان نیاز کے سامنے ہی واقعے کو افسوسناک قرار دیتے ہوئے کہا ہے کہ ایسا واقعہ ٹی وی پر کبھی نظر نہیں آیا۔
ٹویٹر پر منور نامی صارف نے سرکاری ٹی وی کی ایک ویڈیو کلپ شئیر کیا ہے جس میں دیکھا جاسکتا ہے کہ مشہور برطانوی کرکٹر ڈیو ڈ گاور شو میں اپنے خیالات کا اظہار کرتے ہوئے کہا کہ ایسا واقعہ ٹی وی پر کبھی نظر نہیں آیا،ہماری ٹیم سے ایک بندہ کم ہو گیا،مگر ہم ابھی بھی اچھی ٹیم ہیں۔ انہوں نے شکریہ بھی ادا کیا۔ سرکاری ٹی وی پر جاری ورلڈ کپ کے شو میں بحیثیت ایکسپرٹ پینل میں ویسٹ انڈین کےنامور کھلاڑی ویون رچرڈز، برطانوی کھلاڑی ڈیوڈ گاور اور پاکستانی کرکٹرز عاقب جاوید، راشد لطیف ، عمر گل ،اظہر محمود اور سپر اسٹار شعیب اختر شامل تھے۔
یاد رہے کہ گزشتہ روز سرکاری ٹی وی شو کے دوران اینکر اور شعیب اختر کے درمیان بحث ہوئی جس پر سرکاری ٹی وی کے اینکر کے نامناسب رویئے پر فاسٹ بالر شعیب اختر نے پروگرام سے استعفیٰ دیدیا۔
یہ بھی پڑھیں: کورونا بھاگ گیا۔۔اموات کم۔۔نئے مریضوں میں بھی کمی