شعیب اختر کی پی سی بی اور مینجمنٹ پر شدید تنقید

(ویب ڈیسک) آئی سی سی ورلڈ کپ میں زمبابوے کے ہاتھوں اپ سیٹ شکست پر سابق فاسٹ بولر شعیب اختر ٹیم مینجمنٹ پر برس پڑے۔

پرتھ میں کھیلے گئے گروپ ٹو کے میچ میں زمبابوے نے پاکستان کو ایک رن سے شکست دے کر اپ سیٹ کردیا۔

قومی ٹیم کے 131 رنز کے تعاقب میں 8 وکٹوں کے نقصان پر 129 رنز بناسکی، سکندر رضا کو تین وکٹیں حاصل کرنے پر میچ کا بہترین کھلاڑی قرار دیا گیا۔

قومی ٹیم کی شکست پر جہاں شائقین کرکٹ مایوس ہیں وہیں سابق کرکٹر شعیب اختر نے بھی قومی ٹیم کی مایوس کن کارکردگی پر ٹیم مینجمنٹ کو آڑے ہاتھوں لے لیا۔

یہ بھی پڑھیے: ٹی ٹوئنٹی ورلڈ کپ، زمبابوے نے پاکستان کو سنسنی خیز مقابلے کے بعد شکست دے دی

شعیب اختر نے ویڈیو شیئر کرتے ہوئے کہا کہ ’زمبابوے کے ہاتھوں قومی ٹیم کو شرمناک شکست ہوئی ہے اور ایوریج لوگ سلیکٹ کرو اور ٹیم مینجمنٹ ایوریج سلیکٹ کرو۔‘

Average mindset, Average results. Thats the reality, face it. pic.twitter.com/plLZ11Qx0Y

— Shoaib Akhtar (@shoaib100mph) October 27, 2022

انہوں نے کہا کہ ’شکست نے مجھے بہت مایوس کیا ہے ہم زمبابوے سے ہار گئے اور اب سیمی فائنل کے لیے کوالیفائی کرنا بھی ایسے ہوگیا ہے کہ جنوبی افریقہ ہار جائے یا پھر کوئی ہارے۔‘

شعیب اختر نے کہا کہ ’میں نے دو مہینے قبل ہی ویڈیو میں کہا تھا کہ جب آپ ایوریج لوگ سلیکٹ کرتے ہیں تو ایوریج نتیجہ ہی سامنے آتا ہے۔‘