عالمی منڈی میں خام تیل کی قیمتیں 4.50 فیصد تک گرگئیں

(احسن عباسی)عالمی منڈی میں خام تیل کی قیمتوں میں تیزی کے بعد پھر کمی ہوگئی اور خام تیل کی قیمتیں 4.50 فیصد تک گرگئیں۔
عالمی مارکیٹ میں لندن برینٹ آئل 4.50 فیصد سستا ہوکر 73 ڈالر فی بیرل سے بھی نیچے گر گیا،لندن برینٹ آئل 72 ڈالر 53 سینٹس فی بیرل تک آگیاہے۔
دوسری طرف امریکی خام تیل 3.62 فیصد سستاہوکر 68.61 ڈالر فی بیرل تک گرگیا ہے،ہفتے کے پہلے روز خام تیل کی قیمتوں میں 4 فیصد سے زائد کمی ہوئی ہے ۔

دوسری جانب گیس کی عالمی سطح پرقیمت میں ساڑھےتین فیصد کمی ہوئی ہے،غیرملکی خبر ایجنسی کے مطابق گیس 2 ڈالرز 47 سینٹس فی ایم ایم بی ٹی یو میں فروخت ہو رہی ہے۔