پی سی بی نے ون ڈے اور ٹی ٹونٹی ٹیم کیلئے جیسن گلیسپی کو ہیڈ کوچ بنا دیا
گلیسپی کو آسٹریلیاکے خلاف ون ڈے اور ٹی ٹونٹی میچزکی اضافی ذمہ داری سونپی گئی ہے
کیپشن: فائل فوٹو
سورس: گوگل
Stay tuned with 24 News HD Android App
(24 نیوز)پاکستان کرکٹ بورڈ نے ون ڈے اور ٹی ٹونٹی ٹیم کے نئے ہیڈ کوچ کا اعلان کردیا۔
پی سی بی کے مطابق گیری کرسٹن کے عہدے سے استعفیٰ دینے کے بعد اب جیسن گلیسپی کو دورہ آسٹریلیا کے لیے وائٹ بال کرکٹ ٹیم کاہیڈکوچ مقرر کردیا گیا ہے۔
اس سے قبل ذرائع نے بتایا تھا کہ گیری کرسٹن کے استعفےکے بعد نئےکوچ پر مشاورت کی گئی تھی اور سابق ٹیسٹ کرکٹر عاقب جاوید کے ساتھ معاملات آخری مراحل میں داخل ہوچکے تھے، وہ بھی ہیڈ کوچ کے لیے مضبوط امیدوار تھے۔
تاہم آسٹریلیا سیریز میں عبوری ہیڈ کوچ کے لیے جیسن گلیسپی پہلی چوائس بن گئے ہیں ،گلیسپی کو آسٹریلیاکے خلاف ون ڈے اور ٹی ٹونٹی میچزکی اضافی ذمہ داری سونپی گئی ہے۔