(مانیٹر نگ ڈیسک) اداکار سدھارتھ شکلا کی قریبی دوست شہناز گِل کی فلم ’حوصلہ رکھ‘ کا ٹریلر ریلیز ہوگیا ہے۔
تفصیلات کےمطابق اداکارہ شہناز گِل اور اداکار دلجیت دوسانج کی اس پنجابی فلم کا مداحوں کو بہت بے تابی سے انتظار ہے۔ فلم کا ٹریلر طنز و مزاح سے بھرپور ہے۔ کہانی ایسے شخص کی زندگی پر ہے جس کی پہلے بچے کی پیدائش سے پہلے ہی اپنی بیوی سے علیحدگی ہوجاتی ہے اور بچے کی پیدائش کے بعد بچے کی دیکھ بھال کی مکمل ذمہ داری اس آدمی کے سپرد کردی جاتی ہے، جس میں اسے کافی مشکلات کا سامنا کرنا پڑتا ہے۔
یا د رہے کہ اس فلم کے پروڈیوسر اور ہدایتکار دلجیت نے آگاہ کیا تھا کہ شوٹنگ سدھارتھ شکلا کی اچانک موت کی وجہ سے ملتوی کردی ہے اور شوٹنگ کے دوبارہ آغاز کے لیے شہناز گِل کے ٹھیک ہونے کا انتظار کررہے ہیں ۔بعد ازاں فلم میں مرکزی کردار میں نظر آنے والے اداکار دلجیت دوسانج نے تمام تر غلط فہمیوں کو دور کرتے ہوئے 25 ستمبر کو باقاعدہ اعلان کیا کہ فلم شیڈول کے مطابق 15 اکتوبر کو ریلیز کی جائے گی۔
یہ بھی پڑھیں:اداکارعمر شریف بذریعہ ایئر ایمبولینس امریکا روانہ ہوگئے