کراچی کا ضمنی معرکہ۔۔ شہبازشریف کا ووٹرز کے نام خصوصی پیغام
Stay tuned with 24 News HD Android App
(24نیوز) شہباز شریف نے کہا ہے کہ عوام ووٹ کے آئینی و جمہوری حق کو استعمال کریں، عوام ووٹ کی طاقت استعمال کر کے دیانتدار قیادت منتخب کرسکتے ہیں۔
تفصیلات کے مطابق اپوزیشن لیڈر قومی اسمبلی شہباز شریف نے اپنے بیان میں کہا ہے کہ مسلم لیگ ن نے عوام کے اعتماد کو کبھی ٹھیس نہیں پہنچائی، ہمارا ریکارڈ ہمیشہ وعدوں کو پورا کرنے کا رہا ہے، عوام ماضی کی طرح ایک بار پھر درست فیصلہ کریں گے، یقین دلاتا ہوں آپ کے بنیادی مسائل انشا اللہ لازمی حل ہوں گے۔
شہباز شریف کا کہنا تھا کہ کورونا وبا کے پھیلاؤ کے پیش نظر اپنا اور اپنے اردگرد دیگر افراد کا خیال رکھیں، ماسک پہن کر اپنی جان کی حفاظت کریں اور شیر کو ووٹ ڈال کر اپنے مستقبل کو محفوظ بنائیں۔
یہ بھی پڑھیں: شاہد خاقان 7 دن میں معذرت کریں. سپیکر قومی اسمبلی کا نوٹس