نومسلم جنوبی افریقی کرکٹر کی شادی کی تصاویر سوشل میڈیا پر وائرل

(24نیوز)دائرہ اسلام میں داخل ہونے والے جنوبی افریقی کرکٹ ٹیم کے اسپنر بورون فورچین کی شادی کی تصاویر سوشل میڈیا پر وائرل ہوگئیں۔بورون فورچین اور اہلیہ مشکی ایسن نے شادی کی تصاویر اپنے انسٹاگرام کی زینت بنائی ہیں۔

کرکٹر کی شادی اور مسلمان ہونے کے حوالے سے مختلف میڈیا رپورٹس میں کہا جارہا ہے کہ شادی سے قبل مشکی فورچین کی طویل مدت تک گرل فرینڈ رہیں تاہم دونوں رشتہ ازدواج میں منسلک نہیں ہوسکتے تھے کیونکہ مشکی مسلمان تھیں۔کہا جارہا ہے کہ مشکی چاہتی تھیں کہ فورچین جلد اسلام قبول کریں تاکہ وہ رشتہ ازدواج میں منسلک ہوسکیں۔

View this post on Instagram

A post shared by Mieshka Aysen (@mieshka_aysen)

یہ بھی پڑھیں:شاہین شاہ آفریدی نے وسیم اکرم کا ریکارڈ برابر کردیا

مشکی نے فورچین کے ہمراہ سرخ عروسی لباس میں تصاویر شیئر کرتے ہوئے نیک خواہشات کا اظہار کرنے والوں کا شکریہ ادا کیا۔انہوں نے کہا کہ اب ہم باضابطہ طور پر مسٹر اینڈ مسز فورچین بن گئے ہیں۔واضح رہے کہ گزشتہ دنوں مشکی نے کرکٹر بورون فورچین کے کلمہ شہادت پڑھ کر دائرہ اسلام میں داخل ہونے کا اعلان کیا تھا۔اسلام قبول کرنے کے بعد جنوبی افریقی کھلاڑی بورون فورچین کا نام ’عماد‘ رکھ دیا گیااور اس بات کی تصدیق کھلاڑی کی اہلیہ نے اپنی انسٹاگرام اسٹوری میں کی تھی۔

یہ بھی پڑھیں:پاکستان کو ٹیسٹ رینکنگ میں موجودہ پوزیشن قائم رکھنے کیلئے زمبابوے کے خلاف دونوں میچ جیتنا ضروری