100 بچوں کے قاتل کی زندگی پر بننے والی فلم کا پوسٹر جاری

(ما نیٹر نگ ڈیسک) 100 بچوں کے قاتل بدنام زمانہ سیریل کلر جاوید اقبال کی زندگی پر بننے والی فلم ’’جاوید اقبال؛ دی ان ٹولڈ اسٹوری آف اے سیریل کلر‘‘ کاپوسٹر جاری کردیا گیا۔

تفصیلات کے مطابق اداکار یاسر حسین فلم میں سیریل کلر جاوید اقبال کا کردار نبھارہے ہیں۔ انہوں نے اپنے انسٹاگرام اکاؤنٹ پر فلم کا پہلا پوسٹر شیئر کیا اور مداحوں کو آگاہ کیا کہ ان کی فلم جلد ہی ریلیز ہونے والی ہے۔ یاسر حسین کی اہلیہ اداکارہ اقرا عزیز نے بھی فلم کا پوسٹر اپنے سوشل میڈیا اکاؤنٹ پر شیئر کرتے ہوئے فلم کے لیے نیک تمناؤں کا اظہار کیا۔

فلم ’’جاوید اقبال؛ دی ان ٹولڈ اسٹوری آف اے سیریل کلر‘‘ میں اداکار یاسر حسین کے علاوہ عائشہ عمر بھی پولیس آفیسر کا مرکزی کردار ادا کررہی ہیں جنہوں نے جاوید اقبال کیس کی تفتیش میں اہم کردار ادا کیا تھا۔
یہ بھی پڑھیں: تڑپ تڑپ کے اس دل سے آہ نکلتی رہی ۔۔سلمان خان کے فلمی سو نگ پر حریم شاہ کا ہو شربا ڈانس ۔۔ویڈیو وائرل
فلم کی کہانی پاکستان کے بدنام زمانہ سیریل کلر جاوید اقبال کے گرد گھومتی ہے جس نے 1998 سے 1999 کے دوران لاہور میں 100 سے زائد بچوں کو نہ صرف جنسی طور پر ہراساں کیا تھا بلکہ انہیں مار کر بچوں کی لاشوں کے ٹکڑوں کو تیزاب میں گلا کر دریا برد کردیا تھا۔

فلم کے مصنف ابو علیحہ ہیں اور ہدایت کاری کے فرائض بھی انہوں نے ہی انجام دئیے ہیں۔ جب کہ فلم ’کے کے فلمز پروڈکشن‘ کے بینر تلے تیار کی گئی ہے۔ 
یا د رہے کہ اداکار و پروڈیوسر شمعون عباسی نے بھی سیریل کلر جاوید اقبال کی زندگی پر ویب سیریز بنانے کا اعلان کیا تھا۔ تاہم اس بات کی تصدیق نہیں ہوسکی ہے کہ شمعون عباسی اب بھی اس پروجیکٹ پر کام کررہے ہیں یا نہیں۔

View this post on Instagram

A post shared by Yasir Hussain (@yasir.hussain131)

یہ بھی پڑھیں:نور بخاری کے بعد ایک اور ادا کا رہ کا مذہب کی جا نب لگائو۔۔ شوبز کو خیرباد کہہ دیا