ایشیا کپ میچز: خصوصی سکیورٹی انتظامات کرلئے گئے

(علی ساہی)  پنجاب سیف سٹیز اتھارٹی اور لاہور پولیس کی جانب سے ایشیا کپ میچز  کیلئے خصوصی سکیورٹی انتظامات  کیے گئے ہیں۔

ایئرپورٹ سے ہوٹل اور اردگرد تمام روٹس کی 24 گھنٹے سیف سٹیز کیمروں سے نگرانی جاری ہے۔ میچز کی سکیورٹی کیلئے 600 سے زائد کیمروں سے مانیٹرنگ کی جا رہی ہے۔ ٹیموں کی موومنٹ کے دوران ہوٹل سے قذافی اسٹیڈیم اور اسٹیڈیم سے ہوٹل تک آپریشنز اینڈ مانیٹرنگ سینٹر سے سرویلنس کی جا رہی ہے۔

ایس پی ارسلان زاہد  کے مطابق سیف سٹی سینٹر میں 200 سے زائد پولیس کمیونیکیشن افسران اور فیلڈ میں ٹیکنیکل ٹیمیں فرائض سرانجام دے رہی ہیں۔ پی آر یو گاڑیوں پر نصب سیف سٹیز کیمروں سے بھی روٹس کی مانیٹرنگ جاری ہے۔ 

مزید پڑھیں:  مہنگائی کا ایک بم تیار،پٹرول قیمتوں میں بڑے اضافے کا امکان

اُن کا مزید کہنا تھا کہ سیف سٹی ایف ایم 88.6 کے ذریعے شہریوں کو لمحہ بہ لمحہ ٹریفک کی صورتحال سے آگاہ رکھا جا رہا ہے۔ 

یاد رہے کہ لاہور میں پہلا میچ 03 ستمبر،دوسرا 05 جبکہ تیسرا میچ 06 ستمبر کو کھیلا جائے گا۔