تباہ کن سمندری طوفان امریکی ریاست فلوریڈا کی جانب بڑھنے لگا 

(ویب ڈیسک) امریکی ریاست فلوریڈا تباہ کن سمندری طوفان اڈیلیا کی زد میں آگیا، اس سمندری طوفان کا  کیٹیگری تھری یا پھر اس سے زیادہ طاقت کے ساتھ لینڈ کرنے کا امکان ہے۔

غیر ملکی میڈیا رپورٹس کے مطابق امریکی ریاست فلوریڈا طاقت ور سمندری طوفان کی زد پر ہے، فلوریڈا کے گورنر نے طوفانی بارشوں سے خبردار کر دیا، امریکی موسمیاتی ادارے کا کہنا ہے کہ 48 گھنٹوں میں طوفان فلوریڈا سے ٹکرا جائے گا۔

Tropical Storm Idalia closes in on Florida's Gulf Coast after skirting past Cuba, headed for a US landfall as a powerful Category 3 storm, prompting authorities to order evacuations of vulnerable shoreline areas https://t.co/UNcRODok9j pic.twitter.com/rPFXpjnGPx

— Reuters (@Reuters) August 29, 2023

سمندری طوفان اڈیلیا فلوریڈا سے پہلے کیوبا سے ٹکرا گیا ہے، جہاں طوفانی بارشوں اور سیلاب سے تباہی مچ گئی ہے، اور کاروبارِ زندگی معطل ہو گیا ہے، طوفان کی وجہ سے لوگ نقل مکانی پر مجبور ہو گئے ہیں۔

فلوریڈا میں 6 کاؤنٹیز کے لوگوں کو علاقہ چھوڑنے کی ہدایت جاری کر دی گئی، طوفان اڈیلیا کی وجہ سے ہواؤں کی رفتار 100 کلو میٹر فی گھنٹہ جب کہ لہروں کی بلندی 11 فٹ سے زائد ہونے کا امکان ہے۔

مزید پڑھیں:  ہیلی کاپٹر عمارت پر گر کر تباہ، دل دہلا دینے والی ویڈیو سامنے آ گئی

رہائشیوں نے طوفان سے نمٹنے کی تیاری کر لی، یوٹیلیٹی اسٹورز خالی ہو گئے اور گھروں میں کھانے پینے کی اشیا ذخیرہ کر لی گئی ہیں۔