شہر قائد کے کالجوں میں کورونا وائرس کے حملے

(24 نیوز)سندھ کے دارالحکومت کراچی کے سرکاری کالجوں میں کورونا وائرس کے کیسز   میں تشویشناک حد  تک اضافہ ہوا ہے۔

تفصیلات کے مطابق سر  سید گورنمنٹ گرلز کالج  میں عملے کے  58  افراد  اور شہید ملت گرلز کالج  میں عملے کے 21 افراد  کا کورونا ٹیسٹ مثبت آیا ہے جبکہ شہید ملت کالج کے عملے کے 22  افراد کے ٹیسٹ کروائے گئے ہیں۔ اسکے علاوہ گورنمنٹ دہلی کالج  میں 3 افراد کورونا  وائرس میں مبتلا ہیں اور ریاض گورنمنٹ گرلز کالج میں 10 افراد کا کورونا ٹیسٹ مثبت آیا ہے۔ایجوکیشن ڈیپارٹمنت کے حکام کا کہنا ہے کہ زیادہ تر کالجز میں ابھی ٹیسٹ ہونے باقی ہیں اور  جن کالجز میں کورونا کیسز  زیادہ ہیں وہاں تدریسی عمل معطل کیا جا سکتا ہے۔