ملائیشیا میں روکا گیا پی آئی اے کا طیارہ اسلام آبادپہنچ گیا

(24نیوز)ملائیشیا میں روکا گیا پی آئی اے کا طیارہ اسلام آبادپہنچ گیا،طیارہ 173 مسافروں کو لے کر وطن واپس پہنچا۔
خیال رہے کہ قومی ایئر لائن (پی آئی اے) کے طیارے کو لیزنگ کی رقم کے تنازع پر عدالتی حکم پر کوالالمپورایئرپورٹ پرروک لیا گیا تھا،پی آئی اے نے ملائیشیا میں طیارہ ضبط کرنے والی کمپنی کو 7ملین ڈالر ادا کردیئے، دونوں فریقین کے درمیان معاملہ طے پانے پرعدالت نے مقدمہ خارج کر کے جہاز پاکستانی حکام کے حوالے کرنے کا حکم دیا تھا۔