دہلی میں اسرائیلی سفارتخانے کے باہر دھماکا

(24 نیوز)بھارت کے دارالحکومت دہلی میں اسرائیلی سفارتخانے کے باہرنصب بم دھماکے سے پھٹ گیا،دھماکے میں 3گاڑیوں کو نقصان پہنچا، کوئی جانی نقصان نہیں ہوا۔
بھارتی میڈیا کے مطابق دھماکا پہلے سے نصب بم کے ذریعے کیا گیا ،بم اسرائیلی سفارتخانے سے 40 سے 50 میٹر کی دوری پر نصب کیا گیا تھا، دھماکے کے بعد دہلی میں ہنگامی صورتحال نافذ کردی گئی،دھماکے کی اطلاع ملتے ہی سکیورٹی فورسز جائے وقوع پر پہنچ گئیں اور علاقے کو گھیرے میں لے کر سرچ آپریشن شروع کردیا۔