مداح تحائف لے کر میرے گھر پہنچ گئے: رباب ہاشم کا انکشاف
Stay tuned with 24 News HD Android App
(ویب ڈیسک) معروف اداکارہ رباب ہاشم نے انکشاف کیا ہے کہ کچھ مداح تحائف لے کر میرے گھر پہنچ گئے تھے۔
رباب ہاشم کاشمار ٹی وی کی باصلاحیت اداکارائوں میں ہوتاہے جنہوں نے اپنے پہلے ہی ڈرامے سے اپنی پہچان بنالی تھی،ٹی وی پراداکاری سے پہلے میزبانی بھی کی،وہ "ناپا"کی فارغ التحصیل ہیں جہاں سے انہوں نے باقاعدہ ایکٹنگ پڑھی ہے۔
رباب ہاشم نے نجی ٹی وی کے پروگرام میں بطور مہمان شرکت کی جہاں مداحوں کی اپنے گھر آمد کا ایک دلچسپ قصّہ بھی سنایا۔
رباب ہاشم نے ایک سوال کا جواب دیتے ہوئے بتایا کہ مجھے انسٹاگرام پر ایک اکاؤنٹ سے روزانہ تقریباً 200 میسجز موصول ہوتے تھے لیکن میں نے اس بات کو زیادہ اہمیت نہیں دی پھر ایک دن بہت ہی عجیب واقعہ پیش آیا۔
اداکارہ نے بتایا کہ ہوا کچھ یوں کہ میری شوٹنگ سے چھٹی ہونے کی وجہ سے میں گھر پرتھی اور اچانک گھر کی گھنٹی بجی، جب دروازہ کھولا تو سامنے ایک خاتون اور مرد تحائف کے ساتھ موجود تھے جو اندرونِ سندھ سے آئے تھے۔
معروف اداکارہ نے بتایا کہ ان مداحوں نے اصرار کیا کہ ہم بہت دور سے آئے ہیں اس لیے آپ کو یہ تحائف لازمی قبول کرنے پڑیں گے، میں نے ان سے تحائف لے لیے وہ تب بھی گھر کے باہر کھڑے رہے، جب وہ جا نہیں رہے تھے تو میں نے انہیں ان کے تحائف واپس کیے اور انہیں سمجھایا کہ گھر پر آنا مناسب نہیں ہے۔
یہ بھی پڑھیں:ٹک ٹاکر کنول آفتاب نے سوشل میڈیا کمیونٹی کو منافق کیوں قرار دیا؟
رباب ہاشم نے بتایا کہ مداح میرے گھر سے چلے تو گئے لیکن اس کے بعد بھی کافی عرصے تک ان کے میسج آنا بند نہیں ہوئے۔