برازیل کے  سٹار فٹبالر نے سعودی کلب’’الہلال‘‘ سے راہیں جدا کرلیں

 (24 نیوز )بزایل کے کپتان اور  سٹار فٹبالر نیمار جونئیر نے سعودی عرب معروف فٹبال کلب الہلال سے راہیں جدا کرلیں۔

 میڈیا رپورٹس کے مطابق گزشتہ برس پیرس سینٹ جرمن (پی ایس جی) کے فارورڈ پلئیر نیمار جونئیر نے سعودی کلب الہلال کو جوائن کیا تھا تاہم مسلسل انجری مسائل کے سبب فٹبالر نے کلب چھوڑنے کا فیصلہ کیا۔

نیمار الہلال کلب سے راہیں جدا کرنے کے بعد اپنے ملک بزایل کے مقامی کلب سانتوس میں شمولیت اختیار کررہے ہیں۔

مزید پڑھیں:راجر فیڈر، نوواک نہ سرینا ولیمز! دنیا کا امیر ترین ٹینس کھلاڑی کون؟

سعودی کلب الہلال نے اپنے ایکس اکاؤنٹ لکھا کہ کلب انکی خدمات پر شکریہ ادا کرنا چاہتا ہے اور خراج تحسین پیش کرنا چاہتا ہے جبکہ انکے کیریئر میں کامیابی کیلئے نیک تمناؤں کا اظہار کرتے ہیں۔

نیمار نے 2023 میں فرانسیسی فٹبال کلب پی ایس جی کو چھوڑ کر الہلال میں شمولیت اختیار کی تھی، جہاں انہوں نے انجری کے باعث صرف 7 میچز کھیلے، الہلال میں شامل ہونے کے بعد انہوں نے نومبر 2023 میں برازیل سے سرجری بھی کروائی تھی۔

مزید پڑھیں:  اے بی ڈی ویلیئرز کا تقریباً 4 سال بعد کرکٹ کے میدان میں واپسی کا اعلان

نیمار گزشتہ سال ہیمسٹرنگ انجری کا شکار ہوئے تھے جس کے باعث وہ 5 ہفتوں تک ایکشن سے باہر رہے۔

حالیہ خبروں کے مطابق نیمار سانتوس میں شمولیت اختیار کررہے ہیں جہاں سے اُن کے کیریئر کا آغاز ہوا تھا تاہم دیگر حتمی معاہدے اگلے ہفتے ہوں گے۔

واضح رہے کہ نیمار جونیئر نے فرانسیسی کلب کو چھوڑ کر الہلال سے دو سالہ معاہدہ کیا تھا تاہم وہ ایک سال بعد ہی کلب سے علیحدہ ہوگئے، سعودی کلب پی ایس جی کے مقابلے 6 گُنا زیادہ رقم ادا کررہا تھا۔