نیٹ فلکس کی پاک بھارت میچز پر مبنی ڈاکیومینٹری سیریز کا ٹریلر
چندرادیو بھاگت اور اسٹیورٹ سگ کی ہدایت کاری میں بننے والی سیریز 7 فروری 2025 کو ریلیزہوگی
Stay tuned with 24 News HD Android App
(ویب ڈیسک) نیٹ فلکس انڈیا نے اپنی نئی ڈاکیوسیریز"دی گریٹیسٹ رائیولری:انڈیا بمقابلہ پاکستان" کا ٹریلر جاری کر دیا۔
نیٹ فلکس نے یہ سنسنی خیز سیریز 7 فروری 2025 کو ریلیز کرنے کا اعلان کیاہے، ٹریلرکو شائقین کی جانب سے بہت زیادہ پسند کیا جارہا ہے۔
دستاویزی سیریز کرکٹ کی تاریخ کی سب سے بڑی حریف ٹیموں بھارت اور پاکستان کے درمیان مقابلوں کی تفصیلات پر روشنی ڈالے گی،ٹریلر کے آغاز میں شائقین سے بھرے ہوئے اسٹیڈیم کی جھلکیاں دکھائی گئی ہیں جو اس تاریخی مقابلے کی شدت کو نمایاں کرتی ہیں۔
بھارتی سابق کرکٹر وریندر سہواگ اس کا آغاز کرتے ہوئے کہتے ہیں کہ یہ مقابلہ محض ایک کھیل سے کئی زیادہ ہے،پاکستان کے سابق فاسٹ باؤلر شعیب اختر اس موقع پر کہتے ہیں کہ شائقین کرکٹ اس بڑی جنگ کے گواہ بننے کے لیے بے حد پرجوش ہوتے ہیں۔
علاوہ ازیں سوراو گنگولی، سنیل گواسکر، انضمام الحق اور شکھر دھون جیسے معروف کرکٹرز نے بھی اس تاریخی مسابقت کے جذباتی پہلوؤں پر روشنی ڈالی ہے۔
یہ ڈاکیو سیریز ایسے وقت میں ریلیز ہو رہی ہے جب بھارت اور پاکستان 23 فروری 2025 کو چیمپئنز ٹرافی میں ایک دوسرے کے مدمقابل ہوں گے،اس ٹورنامنٹ کی میزبانی پاکستان اور متحدہ عرب امارات مشترکہ طور پر کریں گے اور یہ 19 فروری سے 9 مارچ تک جاری رہے گا۔
سیریز چندرادیو بھاگت اور اسٹیورٹ سگ کی ہدایت کاری میں بنائی گئی ہے جبکہ اسے گری میٹر انٹرٹینمنٹ نے پروڈیوس کیاہے۔