کراچی: امریکی خاتون شادی کا جھانسہ دینے والے نوجوان کے گھر پہنچ گئیں

(24نیوز)پاکستانی نوجوان کی محبت میں گرفتار امریکی خاتون نے بالآخر اُس لڑکے کا گھر ڈھونڈ لیا جس سے وہ شادی کرنا چاہتی ہیں۔

امریکی خاتون گارڈن میں لڑکے کے گھر پہنچ گئی اور بلڈنگ کی پارکنگ میں موجود ہیں، اپارٹمٹ کی یونین کی جانب سے ان کو واپس جانے کا کہا جا رہا ہے لیکن وہ انکاری ہے۔

خاتون کے مطابق  کراچی کے 19 سالہ نوجوان نے اسے شادی کا جھانسہ دے کر پاکستان بلایا ہے خاتون کا کہنا ہے کہ میں گزشتہ روز پاکستان آئی ہوں اور شادی کر کے ہی واپس جاؤں گی۔

امریکی خاتون کے واپسی سے انکار پر امریکی قونصل خانے کی 2 رکنی ٹیم کراچی ایئرپورٹ پہنچی اور ایئرپورٹ حکام اور خاتون اونیجا سے ملاقات کی تھی۔

ایئرپورٹ حکام نے بتایا تھا کہ اونیجا تاحال واپس جانے سے انکاری ہیں اور احمد میمن نامی لڑکے سے ملنا چاہتی ہیں۔

قونصل خانے کی ٹیم کا کہنا ہے کہ اگر خاتون نہ جانا چاہے تو زبردستی نہیں کر سکتے کیونکہ ایسا کرنا غیر قانونی ہوگا اور زبردستی بھیجا تو خاتون وہاں امریکی حکومت اور قونصل خانے پر کیس کر سکتی ہیں،مزید کہا کہ کوشش یہی ہے کہ اونیجا کو راضی کر کے واپس بھیجا جائے۔

بعد ازاں اونیجا نوجوان کی تلاش میں ایئرپورٹ سے روانہ ہوگئی تھیں جبکہ ایئرپورٹ انتظامیہ اور ویجلنس نے خاتون کو ٹیکسی کروا کے روانہ کیا تھا۔

وزارت داخلہ نے ان کے ویزے میں 12 فروری 2025 تک توسیع کر رکھی ہے۔

مزید پڑھیں: حیدرآباد: خاتون خودکشی کی کوشش کرتے کھڑکی میں پھنس گئی