ڈرائیونگ لائسنس فیس 5 سال کیلئے اپ ڈیٹ کردی گئی

(24نیوز) سٹی ٹریفک پولیس نے ڈرائیونگ لائسنس کے فیس سٹرکچر کے حوالے سے نئی معلومات شیئر کی ہیں جس میں کار/ جیپ کی لائسنس فیس سے متعلق آگاہ کیا گیا ہے۔

لاہور کے ٹریفک پولیس ڈیپارٹمنٹ کی جانب سے درست فیس سٹرکچر کے حوالے سے بتایا گیا ہے اور شہریوں پر زور دیا گیا ہے کہ وہ لازمی ڈرائیونگ لائسنس بنوائیں بصورت دیگر لائسنس کے بنا گاڑی چلانے پر ان کے خلافف سخت ایکشن لیا جائے گا،ٹریفک پولیس کے مطابق ڈرائیور حضرات سے کسی بھی وقت لائسنس طلب کیا جاسکتا ہے اور لائسنس پیش کرنے میں ناکامی کی صورت میں چالان کیا جائے گا۔

کار، جیپ کے ڈرائیونگ لائسنس فیس کے حوالے سے ٹریفک پولیس نے بتایا کہ ٹیسٹ فیس کے طور پر 150 روپے چارج کیے جائیں گے جبکہ ایک سال کے لیے ڈرائیونگ لائسنس فیس 1980 روپے ہے،2 سالوں کے لیے ڈرائیونگ لائسنس فیس 3330 روپے ہوگی، اسی طرح3 سالوں کے لیے 4680، چار سالوں کے لیے 6030 اور5 سالوں کی معیاد کے لیے درست ڈرائیونگ لائسنس فیس7ہزار380 روپے ہوگی۔

پنجاب کے شہریوں کو مطلع کیا گیا ہے کہ وہ ویب سائٹ http://dlims.punjab.gov.pk کا وزٹ کریں جہاں انھیں ای لائسنس بنوانے کے حوالے سے بھی آپشن ملے گا۔

یہ بھی پڑھیں: چیمپئنزٹرافی ٹکٹس کی چند گھنٹوں میں فروخت، پی سی بی کا اہم بیان آگیا