ویکسین لگی ہے یا نہیں۔۔ چیک کرنیوالا بریسلٹ متعارف 

(مانیٹرنگ ڈیسک)طبی ماہرین نے ویکسیینیش کرانے والے شہریوں کے لئے ایک ایسا بریسلٹ متعارف کرادیا ہے جس میں ان کی ویکسینیشن کی تفصیل الیکٹرونک طریقے سے محفوظ کی گئی ہے۔
 تفصیلات کے مطابق ” امیونابینڈ ویکسینیشن بینڈ “ کے برانڈ نام سے متعارف کرائے گئے بریسلٹ میں کیو آر کوڈ کے ذریعے آپ کی ویکسینیشن کی تفصیل یعنی آپکا نام پتہ ، کووڈ ویکسین کی پہلی ڈوز اور دوسری ڈوز لگنے کی تاریخیں محفوظ کی جاسکتی ہیں اور محض اس کو سکین کرنے سے تمام معلومات سکرین پر ظاہر ہوجائیں گی۔

 اس بریسلٹ کو شہریوں میں خصوصا انتظامیہ میں بہت مقبولیت حاصل ہورہی ہے کیونکہ ہر شہری کا سرٹیفکیٹ چیک کرنا ایک طویل عمل ہے اور اب اسپورٹنگ ایونٹس، میچز، اور کیسینو اور ڈسکوز میں صرف بریسلٹ کو اسکین کرکے داخلہ ممکن بنایا جاسکے گا۔فی الحال اس بریسلٹ کی قیمت 18 ڈالر مقرر کی گئی ہے۔ 

 واضح رہے دنیا بھر میں اب تک کورونا وائرس سے متاثرہ افراد کی تعداد 19 کروڑ 67 لاکھ 12 ہزار سے تجاوز کر چکی ہے جبکہ اموات کی تعداد 42 لاکھ 3 ہزار سے زائد ہے۔
دوسری طرف امریکی ادارے سینٹر فار ڈیزیز کنٹرول (سی ڈی سی) نے کہا ہے کہ ویکسین لگوانے کے باوجود ڈیلٹا کورونا وائرس انسان کو متاثر کرسکتا ہے۔ سی ڈی سی نے وارننگ میں کہا ہےڈیلٹا کورونا وائرس سے بچاو¿ کو یقینی بنانے کے لئے انڈور فیس ماسک پہننا ضروری ہے۔
یہ بھی پڑھیں:نور مقدم کاآخری ٹیکسٹ میسیج جو اسکے قتل کی وجہ بنا؟