(ما نیٹرنگ ڈیسک )فحش فلمیں بنانے کے الزام میں گرفتار راج کندرا پر ایک اور مشکل آن پڑی ہے ، معروف اداکارہ و ماڈل شرلین چوپڑا نے شلپاشیٹھی کے شوہر پر جنسی ہراسگی کا الزام عائد کر دیاہے ۔
تفصیلات کے مطابق فحش فلموں کے ریکٹ میں ممبئی کرائم برانچ کے سامنے اپنا بیان دینے کے لیے پیش ہونے والی بالی وڈ اداکارہ و ماڈل شرلین چوپڑا نے الزام لگایا ہے کہ راج کندرا نے انہیں مارچ میں جنسی زیادتی کا نشانہ بنانے کی کو شش کی۔
اداکارہ نے مزید کہا کہ ماضی میں راج کندرا نے کام کے متعلق بات چیت کے لیے ان کے بزنس مینجرسے رابطہ کیا تھا۔ بعد ازاں ایک بحث کے بعد راج کندرا بغیر بتائے ان کے گھر چلے آئے۔ رپورٹس کے مطابق شرلین نے کہا کہ کندرا نے مزاحمت کے باوجود ان کا بوسہ لینا شروع کردیا۔
شرلین چو پڑا نے مزید بتایا کہ انہوں نے راج کندرا کو کہا تھا کہ وہ ایک شادی شدہ مرد کے ساتھ کسی بھی قسم کے تعلق میں کوئی دلچسپی نہیں رکھتیں۔جس پر راج کندرا نے ان سے کہا کہ وہ زیادہ تر تنائو میں رہتے ہیں اس کے علاوہ انہوں نے شلپا شیٹھی کے ساتھ اپنے رشتے کو پیچیدہ قرار دیا۔ اداکارہ شرلین نے بیان دیا کہ وہ راج کندرا سے خوفزدہ تھیں، انہوں نے دھکا دے کر کندرا کو خود سے دور کیا ۔
رپورٹس کے مطابق شرلین چوپڑا نے اپریل 2021 میں راج کندرا کے خلاف جنسی زیادتی کی ایف آئی آر درج کروائی تھی۔
یہ بھی پڑھیں:فصل کو نظر بد سے بچا نے کیلئے بھارتی کسان نے سنی لیونی کی بو لڈ تصاویر آویزاں کردیں