(24 نیوز)بھارتی صدر رام ناتھ کووند نے کہا ہےکہ مجھے ہر ماہ 5 لاکھ ملتے ہیں اور میں پونے تین لاکھ ٹیکس دیتا ہوں۔انہوں نے بھارتی عوام سے ملک کے ترقیاتی کاموں کے لئے باقاعدگی سے ٹیکس ادا کرنے کی درخواست کی ہے۔
بھارتی ذرائع ابلاغ کی رپورٹ کے مطابق رام ناتھ کووند نےاتر پردیش کے دورے پر اپنے آبائی شہر میں ایک پروگرام میں کہا میں ٹیکس بھی دیتا ہوں۔ انہوں نے کہا کہ بہت سارے لوگ ٹیکس ادا کرنے کے بعد ایک ماہ میں بچت سے کہیں زیادہ کماتے ہیں۔ بھارتی صدر رام ناتھ کووند نے ان خیالات کا اظہار اترپردیش کےتین روزہ دورے پر جھنجک شہر میں سٹاپ اوور کے دوران کیا، وہ خصوصی ٹرین میں دہلی سے کانپور جارہے تھے۔جھنجک ریلوے اسٹیشن پر منعقدہ ایک تقریب میں صدر نے لوگوں سے قوم پر فرض کے طور پر ٹیکس ادا کرنے کی اپیل کی۔
یہ بھی پڑھیں: زلفی بخاری کے دورہ اسرائیل کی خبریں بے بنیاد اور گمراہ کن ہیں، دفتر خارجہ