چکن پھر سستا۔۔آج کا ریٹ جانیے!

(24نیوز) گزشتہ کئی  روز سےبرائلر مرغی کے گوشت کی قیمت میں اتار چڑھا ؤکا سلسلہ جاری  رہا آج پھر مرغی کے گوشت کی قیمت میں کمی کر دی گئی۔

تفصیلات کے مطابق لاہور میں  برائلر مرغی کے گوشت کی قیمت میں آٹھ روپے فی کلو کمی کر دی  گئی جس کے بعد مرغی کا گوشت 302 روپے سے کم ہو کر 294 روپے فی کلو ہو گیا۔زندہ برائلر مرغی کا تھوک ریٹ 195 روپے جبکہ پرچون ریٹ 203 روپے فی کلو جاری کیا گیا ہے جبکہ فارمی انڈوں کا 152 روپے فی درجن سرکاری نرخ نامہ برقرار ہے۔

خیال رہے کہ گزشتہ روز مرغی کے گوشت کی قیمت میں چار روپے فی کلو کمی کی  گئی تھی اور اب پھر گوشت کی قیمت میں آٹھ روپے فی کلو کمی کی  گئی ہے قیمتوں کے اس اتار چڑھاؤ کے سبب صارفین ہی نہیں بلکہ دکاندار بھی تشویش میں مبتلا ہیں۔

یہ بھی پڑھیں: آج موسم کیسا رہے گا۔۔۔؟ محکمہ موسمیات نے پیشگوئی کر دی