عالیہ بھٹ بھارتی میڈیا پر کیوں برس پڑی, وجہ سامنے آ گئی

(ویب ڈیسک )بالی ووڈ اداکارہ عالیہ بھٹ جو کہ امید سے ہیں،  ان کے متعلق بھارتی میڈیا میں خبریں سامنے آ نے سے عالیہ بھٹ کا فی ناراض ہوئی جس کا اظہار انہوں نے اپنے سوشل میڈیا اکائونٹ پر سٹوری لگا کر کیا ۔انہوں نے  ان اطلاعات پر سخت ناپسندیدگی کا اظہار کیا ہے جس میں کہا گیا تھا کہ رنبیر کپور انہیں گھر واپس لانے برطانیہ جائیں گے۔ 

عالیہ کا اس حوالے سے کہنا تھا کہ وہ ایک خاتون ہیں کوئی پارسل نہیں کہ انہیں پک کیا جائے۔ایک انسٹاگرام پوسٹ پر عالیہ بھٹ نے ناراضگی کا اظہار کیا ہے۔ پوسٹ میں دعویٰ کیا گیا تھا کہ عالیہ کے حاملہ ہونے کے بعد سے ان کے شوٹس موخر کردیے گئے ہیں۔ 

یہ بھی پڑھیں:دادی بننے کی خوشخبری پر نیتو سنگھ کا دلچسپ ردعمل رنبیر کپور کا بھی خوشی دکھانے کا انوکھا انداز

یاد رہے کہ عالیہ نے اپنے امید سے ہونے کا اعلان پیر کو کیا تھا۔ اس پوسٹ میں یہ رپورٹ کیا گیا تھا کہ رنبیر اپنی اہلیہ کو گھر واپس لانے کے لیے برطانیہ جائیں گے۔

اس کے ساتھ ہی  ایک بھارتی اخبار کے مطابق عالیہ اپنی شوٹس سے واپسی کے بعد آرام کریں گی اور انہوں نے منصوبہ بنایا ہے کہ وہ اپنے حاملہ ہونے کے دوران اپنے فلمی کمٹمنٹ کو متاثر نہیں ہونے دیں گی۔

اخبار کے مطابق فلم ہرٹ آف اسٹون، روکی اور رانی کی پریم کہانی کو وہ جولائی کے اواخر تک مکمل کروالیں گی۔