یو ٹیوب پر پھیلی افواہوں پر دعا زہرا نے خاموشی توڑ دی

(ویب ڈیسک )کراچی سے لاہور جاکر پسند کی شادی کرنے والی دُعا زہرا نے اپنے نئے انٹرویو میں کہا ہے کہ اُنہیں یوٹیوبرز کی ہمدردیوں کی ضرورت نہیں ہے۔

 تفصیلات کے مطابق حال ہی میں دُعا زہرا اور اُن کے شوہر ظہیر احمد نے یوٹیوب پر میزبان، ایکٹیوسٹ اور ماڈل زنیرا ماہم کو ایک بار پھر انٹرویو دیا ہے جس کا ایک ویڈیو کلپ سوشل میڈیا پر وائرل ہورہا ہے.وائرل ویڈیو کلپ میں دُعا زہرا کو یوٹیوبرز کے لیے کہتے ہوئے سُنا جاسکتا ہے کہ ’ساری جھوٹی باتیں کہنا بند کریں‘۔دُعا زہرا نے کہا کہ ’مجھے آپ کی ہمدردیوں کی کوئی ضرورت نہیں ہے، مجھے اچھی طرح معلوم ہے کہ آپ کو مجھ سے کتنی ہمدردی ہے‘۔اُنہوں نے کہا کہ ’آپ میرے شوہر کی عزت کریں اور مجھ سے متعلق جھوٹی افواہیں پھیلانا بند کریں‘۔

View this post on Instagram

A post shared by Instant Lollywood (@instant_lollywood)

دُعا زہرا نے اپنے والدین سے مخاطب ہوتے ہوئے یہ بھی کہا کہ ’ضِد چھوڑ دیں، مجھے اور میرے شوہر کو قبول کرلیں‘۔اُنہوں نے مزید کہا کہ ’میں اغواء نہیں ہوئی ہوں اور یہ بات میرے والدین کو پہلے دن سے معلوم ہے‘۔

واضح رہے کہ 8 جون کو سندھ ہائیکورٹ نے دعا زہرا کیس کا تحریری حکم نامہ جاری کیا تھا جس میں کہا گیا تھا کہ دعا اپنی مرضی سے کہیں بھی جاسکتی ہے۔