محکمہ موسمیات نے عیدالاضحی کے چاند نظر نہ آنے کی پیشگوئی کردی

(24نیوز)عید الاضحی کے آج چاند نظر آنے کے حوالے سے محکمہ موسمیات نے بھی پیشگوئی کردی ۔
تفصیلات کے مطابق محکمہ موسمیات نے پیش گوئی کی ہے کہ عید الاضحی کا چاند نظر آنے کے امکان کم ہیں ، چاند کی عمر 13 گھنٹے ہے ،ملک کے مختلف اضلاع میں مطلع آبر آلود ہے ، کراچی سمیت ملک بھر میں چاند نظر آنے کے امکانات بہت کم ہیں ۔

جبکہ ذی الحجہ کا چاند دیکھنے کے لیے مرکزی رویت ہلال کمیٹی کا اجلاس آج ہوگا اجلاس چیئرمین مولانا سید عبدالخبیر آزاد کی سربراہی میں کراچی میں ہوگا ۔مولانا محمد عبدالخبیر کی زیر صدارت اجلاس میں مرکزی رویت ہلال کمیٹی اور زونل رویت ہلال کمیٹی کراچی کے ممبران شریک ہوں گے اجلاس میں وزارت مذہبی امور، سپارکو، محکمہ موسمیات، اور وزارت سائنس وٹیکنالوجی سے تعلق رکھنے والے نمائندگان بھی شریک ہو ں گے پورے ملک میں زونل کمیٹیوں کے اجلاس ان کے متعلقہ دفاتر میں ہوں گے ملک بھر سے موصول ہونے والی شہادتوں کو مد نظر رکھتے ہوئے چاند کے حوالے سے اعلان کیا جائے گا
یہ بھی پڑھیں:سابق وزیراعلیٰ عثمان بزدار کا فرنٹ مین گرفتار