عمران خان کی ٹوٹی پھوٹی جماعت کو دھچکا،سیکرٹری جنرل کے بعداہم رہنماء مستعفی

(24 نیوز) پاکستان تحریک انصاف کی مشکلات میں کمی کی بجائے مزید اضافہ ہورہا ہے،جیل میں پڑے عمران خان کو ایک اور دھچکا لگ گیا ، سیکرٹری جنرل عمرایوب کےبعدکورکمیٹی سےجنیداکبرنےبھی استعفیٰ دےدیا۔
 تحریک انصاف میں اختلافات دن بدن بڑھنےلگےایک کےبعدایک استعفیٰ آنےلگا،سیکرٹری جنرل عمرایوب کےبعدکپتان کےایک اورکھلاڑی  جنید اکبر نے کور کمیٹی سے استعفیٰ دے دیا، پی ٹی آئی ممبر اسمبلی جنید پارٹی قیادت کے حوالے سے کھل کر سامنے آگئے ۔
جنیداکبرکاکہناتھاکہ پی ٹی آئی میرا گھر ہے نہ میں کسی گروپ کا حصہ ہوں نہ بنوں گا ، بانی پی ٹی آئی پر میری جان بھی قربان لیکن میں تحریک انصاف کے کارکنان کو خبردار کرنا چاہتا ہوں مخصوص لوگ خان صاحب سے ملنے جاتے ہیں لیکن ہمیں ملنے نہیں دیتے، ان لوگوں کے ایک دوسرے کے ساتھ مفادات ہیں ہمیں صرف یہی بتایا جاتا ہے کہ موجودہ پارٹی پالیسی خان صاحب کی ہے۔

ضرورپڑھیں:اپوزیشن لیڈر پنجاب اسمبلی کی مراعات واپس، اسمبلی سیکرٹریٹ لاعلم
رہنماپی ٹی آئی کامزیدکہناتھاکہ بدقسمتی یہی ہے کہ سارے فیصلوں کے بینفشری یہی لوگ اور ان کے خاندان اور دوست ہیں ان میں اکثریت وہ لوگ ہیں جنہوں نے 9 مئی کے بعد غبارے تک بھی نہیں اڑاے، میں کارکنان کی گالیوں کا حصہ نہیں بننا چاہتا۔

 فیصلوں میں میرا کوئی اختیار نہیں ہے اور نہ بانی پی ٹی آئی تک میری رسائی ہے میں کورکمیٹی سے استعفیٰ دیتا ہوں، ورکرز کے ساتھ مل کر خان صاحب اور صوبے میں جن لوگوں نے ہمارے ورکرز کے ساتھ زیادتی کی ان سے احتساب کے لئےتحریک شروع کریں گے۔