اٹک ، ایمبولینس اور آئل ٹینکر میں تصادم، 5 افراد جاں بحق

(محمد عمران)اٹک کے قریب ہکلا انٹر چینج ڈی آئی خان موٹروے پر ایمبولینس اور آئل ٹینکر میں خوفناک تصادم کے نتیجے میں 3 خواتین سمیت 5 افراد جان سے ہاتھ دھو بیٹھے۔

ریسکیو حکام کا کہنا ہے کہ ریسکیو ایمبولینس مریض کو جنڈ سے بے نظیر بھٹو ہسپتال راولپنڈی منتقل کرنے جا رہی تھی کہ آئل ٹینکر سے ٹکرا گئی۔

حادثے کے نتیجے میں ایمبولینس تباہ ہو گئی ، ریسکیو اہلکار وقار سمیت 4 افراد شدید زخمی ہوئے جہنیں ہسپتال منتقل کر دیا گیا جہاں ان کی حالت  تشویشناک بتائی جا رہی ہے۔