(24 نیوز) تھائی لینڈ میں رہنے والی ایک نہایت غریب خاتون کو سی فوڈ (سیپ) سےکروڑں روپے مالیت کا قیمتی موتی مل گیا۔
غیرملکی نیوز ایجنسی کی رپورٹ کے مطابق یہ حیرت انگیز واقعہ تھائی لینڈ کے صوبے ساتن میں پیش آیا جہاں چند سو روپے کی خریداری کے بدلے خاتون کے ہاتھ کروڑوں روپے مالیت کا موتی لگ گیا۔رپورٹ میں کہا گیا ہے کہ کوڈشاکورن نامی خاتون نے کھانے کے لئے 70 باہٹ (163 روپے)میں سیپ خریدا جس میں سے قیمتی موتی ’ اورنج میلو‘ برآمد ہوا۔خاتون نے سیپ کو کاٹا تو اس میں سے ایک عدد میلو نکلا، انہوں نے ابتدائی طور پر اسے کوئی پتھر جانا لیکن بعد میں حقیقت سامنے آگئی جو اب انکی زندگی بدل دے گا۔اس موتی کا حجم ڈائیا میٹر کے حساب سے 1.5 سینٹی میٹر ہے۔ رپورٹ میں کہا گیا ہے کہ کوڈشاکورن نے ابتدائی طور پر اس قیمتی موتی کو خفیہ رکھا اس ڈر سے کہ کوئی ان سے مانگ نہ لے لیکن اب انہوں نے اسکو فروخت کرنے کا فیصلہ کیا ہے تاکہ وہ موذی مرض میں مبتلا اپنی والدہ کا علاج کرواسکیں۔