(ویب ڈیسک)اپوزیشن کی جانب سے تحریک انصاف کو سرپرائز دینے کا سلسلہ جاری ہے ،فیصل آباد سے تحریک انصاف کے رکن قومی اسمبلی عاصم نذیر نے پارٹی کو خیرباد کہہ دیا۔
تفصیلات کے مطابق جمہوری وطن پارٹی کے رہنما اور رکن قومی اسمبلی شاہ زین بگٹی نے ٹوئٹر پر جاری بیان میں عاصم نذیر کے پی ٹی آئی چھوڑنے کی خبر شیئر کی ہے ۔
شاہ زین بگٹی نے لکھا کہ اپوزیشن کی طرف سے سرپرائز کا سلسلہ شروع ہے ، فیصل آباد سے رکن قومی اسمبلی چوہدری عاصم نذیر نے تحریک انصاف کو چھوڑ دیا ہے ۔
ذرائع کے مطابق گزشتہ روز مسلم لیگ ن کے صدر شہباز شریف سے عاصم نذیر نے پارلیمنٹ ہاوس میں ملاقات کی اور ان کی پارٹی میں شمولیت اختیار کی۔عاصم نذیر نے پارلیمانی سیکرٹری کے عہدے سے بھی استعفیٰ دے دیا۔عاصم نذیر نے تحریک انصاف کے ٹکٹ پر این اے 101سے کامیابی حاصل کی تھی ۔
یہ بھی پڑھیں:استعفیٰ دینے کے بعد عثمان بزدار کا پہلا بیان سامنے آگیا