سعودی عرب ’زمین پر جنت‘ کی طرح ہے، جارجینا روڈریگز

(ویب ڈیسک) دنیائے فٹبال کے معروف کھلاڑی کرسٹیانو رونالڈو کی گرل فرینڈ جارجینا روڈریگز نے سعودی عرب کو زمین پر جنت قرار دیتے ہوئے کہا ہے کہ یہاں کی مہمان نوازی، ثقافت اور صحرا سمیت سب کچھ بہت خوبصورتی کا حامل ہے۔

   گزشتہ 11 ہفتوں سے جارجینا اپنے بوائے فرینڈ، پرتگالی فٹبال سٹار کرسٹیانو رونالڈو کے ہمراہ سعودی عرب میں مقیم ہیں جہاں رونالڈو النصر کلب کیساتھ شراکت داری کے سبب مصروف ہیں۔

یہ بھی پڑھیے: دنیائے فٹبال کے بے تاج بادشاہ لیونل میسی کا ایک اور اعزاز

جارجینا روڈ ریگز نے سعودی عرب میں اپنی زندگی کے 11 ہفتے گزارنے سے متعلق ایک ویڈیو پیغام میں کہا کہ وہ خود کو سعودی عرب میں محفوظ ترین محسوس کر رہی ہیں اور یہاں کی خاندانی اقدار کی قدر کرتی ہیں۔

View this post on Instagram

A post shared by Georgina Rodríguez (@georginagio)

29 سالہ ماڈل کا کہنا ہے کہ میں سعودی عرب میں ریت کے ٹیلوں سے محظوظ ہو رہی ہوں، مختلف محفلوں اور ایوارڈز شو میں بھی شرکت کر رہی ہوں اور یہاں کے ایک مشہور ترین پرفیوم برانڈ کی ایمبیسڈر بھی بن گئی ہوں۔