ائیر سیال کی جانب سے بین الاقوامی پروازوں کا آغاز

(ثمر عباس) پاکستان کی ایک اور نجی شعبے کی ایئر لائن ایئر سیال نے بین الاقوامی فضائی آپریشن کا آغاز کردیا۔

ائیر سیال کی افتتاحی پرواز لاہور ائیرپورٹ سے 160 مسافروں کو لیکر جدہ روانہ ہوئی۔

اس موقع پر چیئرمین ائیر سیال بورڈ آف ڈائریکٹرز، افسران اور سی اے اے حکام نے افتتاحی پرواز کے مسافروں کو رخصت کیا۔

افتتاحی تقریب میں قومی ٹیم کے فاسٹ بالر حارث رؤف اور سابق ٹیسٹ کرکٹر عاقب جاوید نے بھی شرکت کی۔

Alhumdulillah, our 1st International Flight PF716 to #Jeddah departed a while ago from the Allama Iqbal International Airport #Lahore! #AirSial - The Pride of #Pakistan #PakistansMostHospitableAirline pic.twitter.com/NKTY5iwqrm

— AirSial (@airsial) March 29, 2023

اس حوالے سے چیئرمین ائیر سیال فضل جیلا نی کا کہنا تھا کہ کامیاب ڈومیسٹک آپریشن کے بعد بین الاقوامی پروازوں کا آغاز ائیر سیال کی بڑی کامیابی ہے، پہلے مرحلے میں لاہور اور اسلام آباد سے جدہ کیلئے ہفتہ وار 8 پروازیں چلائی جائینگی جبکہ اگلے مرحلے میں کراچی، ملتان اور سیالکوٹ سے جدہ کیلئے پروازوں کا آغاز کیا جائے گا۔

اس موقع پر چیئرمین ائیر سیال کا مزید کہنا تھا کہ اس وقت یہ پروازیں ائیر بس 320 کے ذریعے چلائی جارہی ہیں، جلد فضائی بیڑے میں بڑے طیاروں کو بھی شامل کیا جائے گا۔

انہوں نے بتایا کہ یورپی ممالک میں پابندی ہٹنے کے بعد ائیر سیال لندن اور مانچسٹر کیلئے بھی آپریشن شروع کرے گی۔