چیئرمین پی سی بی کا خواتین کھلاڑیوں کے تربیتی کیمپ کا دورہ، پریکٹس سیشن دیکھا

(وسیم احمد)آئی سی سی ویمنز کرکٹ ورلڈ کپ کوالیفائر کی تیاریاں جاری ہیں،چئیرمین پاکستان کرکٹ بورڈ محسن نقوی نے غنی انسٹیٹیوٹ کرکٹ گراؤنڈ ڈیفنس کا دورہ کیا۔

چئیرمین پی سی بی محسن نقوی نے خواتین کھلاڑیوں کا پریکٹس سیشن دیکھا اور تربیتی کیمپ کی  پلئیرز سے ملاقات کی۔چئیرمین پی سی بی محسن نقوی نے  ویمنز ٹیم کے لئے آئی سی سی ویمنز کرکٹ ورلڈ کپ کوالیفائر کے لئے نیک خواہشات کااظہارکیا۔

اس موقع پر چیئرمین پی سی بی محسن نقوی نے گفتگو کرتے ہوئے کہاکہ فائٹنگ سپرٹ کے ساتھ کھیلیں۔میدان میں ٹیم ورک کا مظاہرہ کرنے والی ٹیم ہار نہیں سکتی۔امید ہے کہ آپ بہتر کھیل کا مظاہرہ کریں گی۔

چئیرمین پی سی بی محسن نقوی نے مینجر حنا منور،ہیڈ کوچ محمد وسیم، سپن باولنگ کوچ عبدالرحمن، فاسٹ باولنگ کوچ جیند خان اور دیگر مینجمنٹ سٹاف سے بھی ملاقات کی،چئیرمین پی  سی بی محسن  نقوی نے کوچز سےتربیتی کیمپ میں کھلاڑیوں کی تیاریوں کے حوالے سے اپ ڈیٹس لیں۔