عید کے دنوں میں کراچی کاموسم کیسا رہے گا؟ محکمہ موسمیات نے پیشگوئی کردی

(ویب ڈیسک) محکمہ موسمیات نے کراچی میں عید کے دنوں میں موسم گرم اور خشک رہنے کا امکان ظاہر کردیا۔

محکمہ  موسمیات کے مطابق عید کے دنوں میں زیادہ سے زیادہ درجہ 35 سے 37 ڈگری سینٹی گریڈ تک رہنے کا امکان ہے، عید کے دنوں میں صبح میں شمال مغرب سے گرم اور خشک ہوائیں چل سکتی ہیں۔

محکمہ موسمیات کا کہنا ہے کہ شام میں سمندری ہوائیں بحال ہونے کا امکان ہے اور 4 اپریل سے درجہ حرارت میں مزید اضافہ ہوسکتا ہے۔

یہ بھی پڑھیں:عید کا چاند آج 3 بج کر58 منٹ پرپیدا ہوگا

دوسری جانب عیدالفطر کا چاند دیکھنے کیلئے مرکزی رویت ہلال کمیٹی کا اجلاس 30 مارچ کو اسلام آباد میں طلب کیا گیا ہے،محکمہ موسمیات نے 30 مارچ کو چاند نظر آنے کا واضح امکان ظاہر کیاہے۔