سعودی عرب کی سپریم کورٹ نے عوام سے چاند دیکھنے کی اپیل کر دی

( 24 نیوز )سعودی عرب کی سپریم کورٹ نے عوام سے چاند دیکھنے کی اپیل کر دی۔

سپریم کورٹ نے کہا کہ مملکت کے تمام علاقوں میں آج ہفتہ 29 رمضان المبارک کی شام ماہ شوال کا چاند دیکھنے کی کوشش کی جائے۔

  یہ بھی پڑھیں:عید کا چاند آج 3 بج کر58 منٹ پرپیدا ہوگا

سعودی سپریم کورٹ نے کہا ہے کہ 29 رمضان المبارک کی شام کو عید الفطر کا چاند دیکھا جائے، چاند دیکھنے کے بعد گواہی ریکارڈ کرانے کے لیے ریجنل اداروں سے رابطہ کیا جاسکتا ہے۔

یاد رہے کہ سعودی عرب میں رویت ہلال کی گواہی ملنے کے بعد ہی سرکاری سطح پرچاند کی رویت اور عید ہونے کا اعلان کیا جاتا ہے۔

سعودی عرب میں اگر آج چاند نظر نہ آیا تو عیدالفطر بروز پیر کو ہو گی، چاند نظر آنے کی صورت میں مملکت میں عید کل منائی جائے گی، واضح رہے کہ پاکستان میں بروز پیر عیدالفطر ہونے کا قوی امکان ہے۔