تحریک انصاف کی غلطیاں ہیں۔فواد چودھری نے  بڑا اعتراف کرلیا

 (ویب ڈیسک )  تحریک انصاف کے رہنما اور سابق وفاقی وزیر  فواد چودھری نے اعتراف کرلیا کہ تحریک انصاف کی بھی غلطیاں ہیں کہ صورتحال  اس نہج پر پہنچی لیکن کیا پاکستان کو اگلے 40 سال زرداری اور شریف چلائیں گے ،  ملک پر امریکی سازش کے تحت امپورٹڈ  حکومت مسلط کی گئی جسے کسی صورت قوم قبول نہیں کرے گی۔

 سماجی رابطے کی ویب سائٹ ٹویٹر پر اپنےپیغام میں  فواد چودھری نے کہا کہ  کیا ان سالوں کی طرح اگلی چار دہایاں بھی ضائع کر دی جائیں؟  ، کیا آپ یہ وراثت چھوڑ کر جانا چاہیں گے؟، لوگوں کے غصے کو کم نہ سمجھیں لوگ توقع سے زیادہ ناراض ہیں۔

تحریک انصاف کی بھی غلطیاں ہیں کہ صورتحال کو اس نہج پر پہنچی لیکن کیا پاکستان کو اگلے چالیس سال زرداری اور شریف چلائیں گے اور کیا ان سالوں کی طرح اگلی چار دھایاں بھی ضائع کر دی جائیں؟ کیا آپ یہ وراثت چھوڑ کر جانا چاہیں گے؟ لوگوں کے غصے کو کم نہ سمجھیں لوگ توقع سے زیادہ ناراض ہیں

— Ch Fawad Hussain (@fawadchaudhry) May 29, 2022

 خیال رہے کہ چیئرمین پاکستان تحریک انصاف عمران خان نے 25 مئی کو لانگ مارچ  کیا تھا ، اسلام آباد پہنچ کر  انہوں نے   حکومت کو  اسمبلیاں تحلیل کر کے  6 روز میں  الیکشن کا اعلان  کرنے کی ڈیڈ لائن دی تھی ،عمران خان نے  جناح ایونیو اسلام آباد  پر کارکنوں سے خطاب کرتے ہوئے کہا کہ ہماری آزادی کی تحریک کو ناکام بنانے کیلئے ہر طرح سے کوشش کی گئی مگر میری قوم آزادی کیلئے ہر قربانی دینے کو تیار ہے۔

یہ بھی پڑھیں: بڑی خبر۔مسافر طیارہ لاپتہ