دھمکیاں دینے والے اب واسطے دے رہے ہیں: رانا ثناء اللہ

(24نیوز) وزیر داخلہ رانا ثناء اللہ  نے کہا ہے کہ 11 جماعتوں نے سیاسی بدروحوں کے علاج کی ڈیوٹی مجھ خاکسار کو دی ہے لیکن آپ آئیں تو سہی،دوسروں کے بچوں کو سڑک پر بے آسرا چھوڑ کر باس اور چپڑاسی دونوں میدان سے بھاگ گئے۔

شیخ رشید کے بیان پر ردعمل دیتے ہوئے رانا ثناء اللہ نے کہا کہ ’’اگلے ماہ آئیں گے تو کسی کے کہنے پر گھر نہیں جائیں گے‘‘ کا بیان دینے والا ’’خونی فساد‘‘ میں دم دبا کر بھاگ گیا، وزیر داخلہ کا کہنا تھا کہ باس، زرداری صاحب کی منت ترلے کرتا ہے تو چپڑاسی دھمکیاں دیتا ہے۔دھمکیاں دینے والے اب منتیں، ترلے اور واسطے دے رہے ہیں۔

مہنگائی کا طوفان لانے والے اب اس پر سیاست کر کے عوام کے غضب سے بچنا چاہتے ہیں

دھمکیاں دینے والے اب منتیں، ترلے اور واسطے دے رہے ہیں

دوسروں کے بچوں کو سڑک پر بے آسرا چھوڑ کر باس اور چپڑاسی دونوں میدان سے بھاگ گئے

— Rana SanaUllah Khan (@PresPMLNPunjab) May 29, 2022

باس اور چپڑاسی دونوں بنارسی ٹھگ اور سیاست کے رنگ باز ہیں،انہوں نے کہا کہ مہنگائی کا طوفان لانے والے اب اس پر سیاست کر کے عوام کے غضب سے بچنا چاہتے ہیں۔