(ویب ڈیسک) رکنِ قومی اسمبلی عامر لیاقت حسین نے پاکستان تحریک انصاف کے چیئرمین عمران خان پر ان کی شادی ختم کروانے کا الزام عائد کیا ہے۔
انسٹاگرام پوسٹ کی شروعات رکن قومی اسمبلی نے گانے کے اشعار سے کی 'مجھ کو بھی تو لفٹ کرا دے، تھوڑی سی تو لفٹ کرا دے!!' اور ساتھ ہی کہا کہ 'یہ عمران خان کی درخواست ہے'۔
یہ خبر بھی پڑھیں:عامر لیاقت کی مشی خان پر تنقید
عامر لیاقت حسین نے کہا کہ 'تم نے میرا گھر توڑا ہے دوست! بچو گے تم بھی نہیں، میں جاچکا لیکن تمہیں بشریٰ بیگم چھوڑ کر جائیں گی، سب پتہ چل گیا ہے تم نے کس کے ذریعے کتنے پیسے بھجوائے کیونکہ تمہیں معلوم تھا کہ یہاں پیسوں سے ہی کام ہوگا'۔
انہوں نے مزید کہا کہ 'بس ایک غلطی کر بیٹھے، اپنی حمایت میں ٹک ٹاک ویڈیوز تو نہ بنواتے، استغاثہ ہے میرا رب کے حضور تم الیکشن کبھی نہ جیتو'۔
عامر لیاقت حسین نے لکھا 'لودھراں والے “میاں” کو بتادو مزید سپورٹ کا کوئی فائدہ نہیں اور 4 نمبروں میں سے کوئی نمبر نظر رکھنے والوں سے چھپا نہیں، جی تو چاہتا ہے پورا ریکارڈ سپریم کورٹ میں دے دوں لیکن دانیہ ابھی تک میرے نکاح میں ہے اور منکوحہ کو عدالتوں میں نہیں گھسیٹتے'۔
یہ خبر بھی پڑھیں:کیا عائزہ خان نے اداکاری کو خیر باد کہہ دیا ؟
رکن قومی اسمبلی نے عمران خان کو مزید کہا کہ 'میں نے تو بقول تمہارے 20 کروڑ لیے تھے جب ہی 11 کروڑ کا حق مہر مانگنے کو کہا ؟ خان صاحب بد ذات ہوتا اور تمہاری دانست میں بکا ہوا لوٹا تو اب تک ڈی پی او گھر چلا جاتا اورلودھراں کے رکن قومی اسمبلی اور میرے دوست عبدالرحمٰن کانجو جو کہ وزیر مملکت برائے داخلہ ہیں، مداخلت کر چکے ہوتے'۔
انہوں نے پوسٹ کے اختتام میں لکھا کہ 'عمران اور عامر میں یہی فرق ہے، عمران بدلہ لیتا ہے، عامر اللہ پر چھوڑ دیتا ہے کیونکہ اس کی پکڑ شدید ہے'۔