مولانا طارق جمیل عمران خان کو مشورہ دیتے ہوئے ہنسی نہ روک سکے،ویڈیو وائرل

(ویب ڈیسک)9 مئی کے واقعات کے بعد پی ٹی آئی ایسے بکھر رہی ہے جیسے ہوا چلنے سے خزاں کے پتے بکھرتے ہیں،روزانہ عمران خان کے ساتھی پریس کانفرنس کرکے پی ٹی آئی سے لاتعلقی کا اعلان کررہے ہیں ۔ایسے وقت میں معروف مذہبی سکالر مولانا طارق جمیل کا ایک ویڈیو کلپ سامنے آیا ہے جو قابل دید بھی اور مزاح سے بھر پور بھی ۔

سماجی رابطے کی ویب سائٹ ٹوئٹر پر  مولاناطارق جمیل کی ایک ویڈیو وائرل پاکستانی صحافی نے شیئر کی ہے،جس میں وہ اپنے پسندیدہ سیاسی رہنما عمران خان کو ایک مشورہ دے رہے ہیں جس کے بعد وہ زور سے ہنستے ہوئے بھی سنائی دیتے ہیں۔

مولانا طارق جمیل صاحب کا قہقہ لگاتے ہوئے تحریک انصاف اور عمران خان صاحب کے لیے مشورہ pic.twitter.com/aYHw9NtCpK

— Sabookh Syed | سبوخ سید (@SaboohSyed) May 27, 2023

 
طارق جمیل اس ویڈیو میں اپنے خطاب کے دوران لوگوں کے سامنے بیٹھے ہیں اور ان سے مخاطب ہوتے ہوئے کہتے ہیں کہ تمام پاکستان تحریکِ انصاف کے کارکنان تین تین دن تبلیغ پر چلے جاؤ اور اپنے ہمراہ عمران خان کو بھی لے جاؤ، اس سے آپکو بہت فائدہ ہوگا۔
طارق جمیل ان تین جملوں کی ادائیگی کے بعد قہقہے لگاتے ہیں اور سامنے بیٹھے افراد کو ہنستے ہوئے دیکھتے رہتے ہیں۔

واضح رہے کہ طارق جمیل کافی عرصے سے عمران خان کی حمایت کی وجہ سے مسلسل تنقید کا نشانہ بنتے آ رہے ہیں اور ایک موقع پر تو انہیں عمران خان کی حمایت کی وجہ سے قوم سے معافی بھی مانگنی پڑ گئی تھی۔