انڈیا آسٹریلیا سے ہار کر بھی جیت گیا، حسین منظر کیمرے نے محفوظ کرلیا

(24 نیوز)سڈنی میں کھیلے جانےوالے دوسرے ون ڈے میچ میں بھارت آسٹریلیا کے ہاتھوں 51 رنز سے ہار گیا,ادھر سٹیڈیم میں انڈین باشندہ بھی آسٹریلوی دوشیزہ کے سامنے دل ہار گیااور بھرے ہجوم میں لڑکی کوشادی کی پیشکش کردی جو اس نے شرماتے ہوئے قبول کرلی۔

تفصیلات کے مطابق کینگروز نے انڈیا کےخلاف دوسرے ون ڈے میچ میں پہلے کھیلتے ہوئے مقررہ اوورز میں 4 وکٹ کے نقصان پر 389 رنز بنائے تھے ،ہدف کے تعاقب میں انڈیا کی بیٹنگ جاری تھی کہ اسی دوران کیمرہ مین نے اپنا کیمرہ تماشائیوں کی طرف گھمایا تو پھر اس کاکیمرہ گراﺅنڈ کی طرف نہ جا سکا.

کیمرے کی آنکھ نے دیکھا کہ گراﺅنڈ میں ایک انڈین باشندہ آسٹریلوی دوشیزہ پر دل ہار بیٹھا اور اسے مجمعے کے سامنے پروپوز کردیااور گھٹنوں کے بل بیٹھ کر انگوٹھی اس کی طرف کردی جس پر آسڑیلوی شیرہ شرما گئی اور اس کی پروپوزل قبول کرلی، تماشائیوں نے جوڑے کیلئے بھرپور تالیاں بجائی ،کیمرے کی آنکھ نے یہ منظر محفوظ کرلیا،جس پرکمنٹیٹربھی تعریف کئے بغیر نہ رہ سکے۔

She said yes????❤️#AUSvIND pic.twitter.com/e3hxXIHRwJ

— ESPNcricinfo (@ESPNcricinfo) November 29, 2020