ادا کا ر فو ا دخان 39بر س کے ہو گئے

 (24نیوز)مشہور ادا کا ر فواد خان نے آج 39ویں سالگرہ منائی۔ پاکستان اور بھارت میں یکساں مقبولیت حا صل کرنیوالے فواد خان 29 نومبر 1981 کو لاہور میں پیدا ہوئے۔ 
تفصیلات کے مطا بق فواد افضل خان نے بطور گلوکار اپنے فنی کیرئیر کا آغاز کیا، احمد علی بٹ اور دیگر دوستوں کیساتھ ملکر ای پی بینڈ بنایا، ان کے کئی نغمے مشہور ہوئے۔ فواد خان کو اصل شہرت اداکاری کے میدان میں ملی۔ 2011 میں ڈرامہ سیریل ہم سفر میں اشعر حسین کے کردار نے انہیں شہرت کی بلندیوں پر پہنچادیا۔ اگلے برس ڈرامہ سیریل زندگی گلزارہے میں انہوں نے زرعون جنید کا کرداراس خوبی سے نبھایا کہ ان کی شہرت کا ڈنکہ بج اٹھا۔ فواد خان نے 3 بھارتی فلموں میں بھی اداکاری کے جوہر دکھائے اور بہترین ڈیبیو اداکار کا فلم فیئر ایوارڈ اپنے نام کرنے میں کامیاب رہے۔ انہیں ملک اور بیرون ملک کئی ایوارڈز سے نوازا گیا۔فواد خان کی آنے والی دھماکے دار فلم لیجنڈ آف مولا جٹ جلد نمائش کیلئے پیش کی جائے گی۔ جس میں وہ اپنے کیرئیر کی بلندیو ں پر نظر آئیں گے۔