فیصل قریشی اورصبا قمرکئی سال بعدسکرین شیئرکریں گے

 (ویب ڈیسک) شوبزانڈسٹری کے  مقبول اداکار فیصل قریشی اور اداکارہ صبا قمر جلد نئی  ڈرامہ سیریل میں کئی سال کے بعد ایک ساتھ جلوہ گر ہوں گے۔

دونوں فن کارڈرامہ سیریل "کیس نمبر 9 "میں ایک ساتھ اداکاری کرتے نظرآئیں گے،اس ڈرامہ کی کہانی معروف اینکر شاہ زیب خانزادہ نے لکھی ہے اور یہ ان کا بطور مصنف پہلا پروجیکٹ ہے،ڈرامہ میں صبا قمر اور فیصل قریشی  کے علاوہ اداکار جنید خان اورآمنہ شیخ بھی اہم کردار ادا کرتے نظر آئیں گے۔ 

 ڈرامے کی کہانی ایک کیس سے جڑی ہے جس میں سسپنس اور تھرلر کا تڑکا بھی لگایا گیا ہے،ڈرامہ سیریل کی ہدایات سید وجاہت حسین دیں گے  جو اس سے قبل مقبول ڈرامہ "خئی" کی ہدایتکاری  بھی کر چکے ہیں,اس ڈرامے کے پروڈیوسر عبداللہ کادوانی ہیں۔
یہ بھی پڑھیں:ایشوریا نے باضابطہ طور پر بچن کا سرنیم ہٹا دیا؟طلاق کی افواہیں پھر گرم

کرائم تھرلر پر مبنی اس ڈرامے کے حوالے سے ناظرین میں خاصا تجسس پایا جارہا ہے، وہ ماضی کے ڈراموں کی مشہور جوڑی فیصل قریشی اور صبا قمر کو ایک ساتھ دیکھنے کیلئے پرجوش ہیں، ڈرامے کی شوٹنگ جاری ہے،ڈرامہ کب آن ایئرہوگا؟اس حوالے سے کوئی تاریخ سامنے نہیں آئی۔