شاہد کپوراورپوجا ہیج کی ایکشن تھرلر"دیوا"جلدریلیزکرنے کااعلان
2019ء میں شاہد کپور کیارہ اڈوانی کےساتھ رومانوی فلم کبیر سنگھ میں جلوہ گر ہوئے تھے
Stay tuned with 24 News HD Android App
(ویب ڈیسک)شاہد کپوراورپوجا ہیج کی ایکشن تھرلر فلم "دیوا" 31 جنوری 2025 ء کو سینما گھروں کی زینت بنے گی۔
بھارتی میڈیا کے مطابق پہلے یہ فلم 14 فروری 2025ء کو ریلیز ہونے والی تھی،لیکن ٹیم نے ریلیزکی نئی تاریخ کا اعلان کرتے ہوئے مداحوں کا انتظار کم کر دیا ہے۔
اس فلم کی ہدایت کاری روشن اینڈریوز کررہے ہیں جبکہ اسے سدھارتھ رائے کپور کی پروڈکشن کمپنی رائے کپور فلمز اور زی اسٹوڈیوز کے تعاون سے تیار کیا گیا ہے۔
فلم کی نئی تاریخ کا اعلان انسٹاگرام پر کیا گیا جس کے کیپشن میں لکھا گیا" انتظار ختم! دیوا اب 31 جنوری 2025 کو آرہی ہے! تیار ہوجائیں ایک دل دھڑکانے والے تجربے کے لیے"
بالی ووڈ کی مقبول اداکارہ اور سدھارتھ رائے کپور کی اہلیہ ودیا بالن نے بھی انسٹاگرام پر شوپر کی پروڈکشن کمپنی کے بینر تلے بنائی جانے والی فلم کا پوسٹر شیئر کرتے ہوئے اپنی خوشی کا اظہار کیا اور لکھا کہ بہت خوشی ہوئی،انتظارنہیں ہو رہا۔
اس سے قبل 2019ء میں شاہد کپور کیارہ اڈوانی کے ساتھ رومانوی فلم" کبیر سنگھ" میں جلوہ گر ہوئے تھے جو بلاک بسٹر فلم ثابت ہوئی تھی،اس کے بعد ان کی 3 فلمیں فرضی،تیری باتوں میں ایسا الجھا جیا اور بلڈی ڈیڈی ریلیز ہوئی تھی۔