لانگ مارچ میں اسد عمر نے حماد اظہر پر غصے کی وجہ بتادی

(ویب ڈیسک )تحریک انصاف کے فلاپ لانگ مارچ کے ناقص انتظامات پر اسد عمر نے حماد اظہر اور لاہور کے صدر شیخ امتیاز کو جھاڑ پلا دی۔پی ٹی آئی کے فلاپ لانگ مارچ کے ناقص انتظامات پر عمران خان نالاں نظر آئے، اور انہوں نے سینئر رہنما اسد عمر کو ڈانٹ پلا دی۔

تفصیلات کے مطابق اسد عمر نے عمران خان کی ڈانٹ کا سارا غصہ حماد اظہر اور پی ٹی آئی لاہور کے صدر شیخ امتیاز پر نکالا اور دونوں رہنماؤں کو عمران خان کی موجودگی میں جھاڑ پلا دی۔چیئرمین تحریک انصاف اور دیگر رہنماؤں کے سجائے گئے کنٹین رکا جنریٹرخراب ہونے کی وجہ سے اے سی بند ہوگیا، جس کے باعث عمران خان اور دیگر کا بند کنٹینر میں بیٹھنا بھی محال ہوگیا۔

کم تعداد میں لوگ نکالنے پر حماد اظہر کو گالیاں پڑ رہی ہیں۔عمران خان اور اسد عمر نے کلاس لے لی آپس میں شدید تکرار ???? pic.twitter.com/BRJ7qGpa4Q

— Dr. Danish (official) (@DrDanish5) October 28, 2022

ذرائع نے بتایا کہ گرمی، حبس سے پریشان پسینے میں شرابور عمران خان نے اسد عمر کو کھری کھری سنائیں، جس کے بعد اسد عمر نے عمران خان کی موجودگی میں کنٹینر پر موجود قیادت کو غصے کا نشانہ بنایا، اور عمران خان خاموشی سے اسد عمر کی رہنماوں پر تنقید کو سنتے رہے۔دوسری جانب سماجی رابطے کی ویب سائٹ ٹویٹر پر اپنی ٹویٹ میں تحریک انصاف کے رہنما اسد عمر نے کہا کہ کل کے لاہور کا اپنے کپتان کے ساتھ اظہار یکجہتی اور حقیقی آزادی کا عزم دیکھ کر یہ گھبرا گئے ہیں۔

کل کے لاہور کا اپنے کپتان کے ساتھ اظہار یکجہتی اور حقیقی آزادی کا عزم دیکھ کر یہ گھبرا گئے ہیں. میرا ایک کلپ چلا رہے ہیں کے اختلافات ہو گئے. اللہ کے بندوں اس وقت مجھے غصہ اس بات پر تھا کے جنریٹر خراب ہو گیا تھا اور دوسرا آنے میں دیر ہو رہی تھی ???? #حقیقی_آزادی_مارچ

— Asad Umar (@Asad_Umar) October 29, 2022

اسد عمر نے گزشتہ روز کے واقعے کی تصدیق کرتے ہوئے وضاحت پیش کی کہ میرا ایک کلپ چلایا جارہا ہے کہ ہمارے اختلافات ہو گئے. اللہ کے بندوں اس وقت مجھے غصہ اس بات پر تھا کے جنریٹر خراب ہو گیا تھا، اور دوسرا بہت سے رہنما مارچ میں دیر سے آئے تھے جس پر غصہ آگیا۔