(احمد منصور) ڈی پی ورلڈ کے وفد کا ایس آئی ایف سی کا دورہ کیا اور پاکستان میں مختلف شعبوں میں سرمایہ کاری کیلئے دلچسپی کااظہار کیا۔
ڈی پی ورلڈ ( DP World) کے اعلیٰ وفد نے ایس آئی ایف سی کا دورہ کیا، ڈی پی ورلڈ دبئی کی ایک بڑی اور شہرہ آفاق فرم ہے، یوجراج نرائن کی قیادت میں ڈی پی ورلڈ کے اعلیٰ حکام کاپاکستان میں مختلف شعبوں میں سرمایہ کاری پر تفصیلی تبادلہ خیال کیا، ڈی پی ورلڈ نے کراچی پورٹ اور پیپری کے درمیان کوریڈور( Corridor) بنانے میں سرمایہ کاری کی خواہش کااظہار کیا۔
ڈی پی ورلڈ نے ایس آئی ایف سی کی کاوشوں کو سراہتے ہوئے مکمل اعتماد کااظہار کیا، پاکستان میں سرمایہ کاری کے نئے امکانات کو دریافت کرنے کے لیے بھرپور عزم کا اظہار کیا، اور پاکستان کے لاجسٹکس سیکٹر ( Logistic Sector) میں مشترکہ منصوبوں کی تلاش اور سرمایہ کاری کے عزم کا اعادہ بھی کیا۔
یہ بھی پڑھیں: تحریک انصاف کی پارلیمانی پارٹی کااجلاس،منحرف رکن قومی اسمبلی کو باہر نکال دیا