(دوران بلوچ)رات گئے فائرنگ سے پنجگور کے علاقے میں مقامی ڈیم پر کام کرنیوالے 5 افراد قتل کردئیے گئے۔
بلوچستان کے علاقے پنجگورکی تحصیل پروم میں رات گئے مسلح افراد نے فائرنگ سے پانچ افراد جاں بحق ہوگئے ہیں۔لیویز حکام کے مطابق جاں بحق افراد کی میتیں ٹیچنگ ہسپتال منتقل کردی گئی ہیں،حملہ آوروں نے مقامی ڈیم کی تعمیراتی مشینری بھی نذر آتش کردی۔
صوبائی حکومت کے ترجمان شاہد رند نے واقعے کی تصدیق کرتے ہوئے بتایا کہ پنجگورکے علاقے پروم میں ڈیم کی دیکھ بھال پرمامور مقامی افراد پر فائرنگ کی گئی، نامعلوم مسلح ملزمان کی فائرنگ کے نتیجے میں 5 افراد جاں بحق اور 2 زخمی ہوگئے۔
ترجمان نے کہا کہ جاں بحق افراد کی میتیں ٹیچنگ اسپتال پنجگور منتقل کرکے واقعے کی تحقیقات شروع کردی گئی ہے۔